Со настапот на Фолтин на Скопската тврдина (Кале) вчеравечер / 04.09.2016 година/ беше затворен годинешниов гурмански викенд на пиво „Пиволенд 2016“, фестивалот на пивото кој традиционално е во организација на Град Скопје и на „Темов“.

 Над 100.000 посетители на ПИВОЛЕНД пет дена се забававуваа, уживаа во музиката и пивото и беа сведоци на уште еден фестивал на три стејџа, со над 150 видови пиво и многу гурмански мезиња.

Македонските музички ѕвезди како Нокаут, Ефто Пупиновски, Фолтин, Тијана, Студени Нозе, Тамара, Дани, Дј Славе, Влатко Илиевски и многу други, докажаа дека можат да соберат многубројна публика на Кале којашто одлично се забавуваше на нивните настапи.

Годинава освен пивско и музичко уживање, посетителите имаа можност да се испробаат во адреналински спортови во „Акциската зона“ во мечување, кендо и стрелаштво, да посетат базар за ракотворби, но и голем избор на пивски игри во Игротеката за возрасни.