Град Скопје остро реагира на произволните и неточно изнесените информации од компанијата „Дуна компјутери“ пренесeни во неколку дневни печатени и електронски медиуми во врска со донација на софтвер од истоимената компанија за Град Скопје.

Градот Скопје ги демантира изнесените информации од компанијата „Дуна компјутери“ и нагласува дека нема примено никаква донација од компанијата. Всушност, не е воспоставен никаков контакт меѓу надлежните служби од Градот и компанијата „Дуна компјутери“ во врска со примање  донација и за соработка со истата компанија  и во тој контекст, сакаме да посочиме дека Градот Скопје воопшто не е запознаен за каков специјален софтвер станува збор.