По повод рамазанските пости, градоначалникот на Град Скопје Коце Трајановски  и Претседателот на Советот на Град Скопје Ирена Мишева, по повод муслиманскиот верски празник Рамазан, вчера /01.07.2015 година, петок/ во хотелот „Стоун бриџ" организираа ифтар вечера.

На ифтар вечерата присуствуваа претставници од Градот Скопје, членови на Советот на Град Скопје, претставници од јавните претпријатија, културните институции и средните училишта коишто се во надлежност на Град Скопје.

Ифтар е прекинување на Рамазанскиот пост после зајдисонце кај лицата од муслиманска вероисповед, поточно тоа претставува вечера за време на Рамазанскиот пост.