Градот Скопје во текот на изминативе  три дена (19, 20 и 21 декември) спроведе вонредна акција во која беа вклучени екипи на јавните претпријатија на Градот, односно вработени од ЈП „Комунална хигиена“ – Скопје, ЈП „Водовод и канализација“ и ЈП „Паркови и зеленило“.

Работниците од ови три јавни претпријатија со помош на механизација и рачно ги расчистуваа дивите депонии, парковското зеленило, ги чистеа од наноси на песок, земја и лисја  сливниците  и ги метеа улуците  во  општината Гази Баба.

Ваква тридневна акција  почна  да се реализира вчера и ќе трае до утре и на територијата на општина Чаир, а од 26 до 28 декември ќе се реализира во општина Центар.

Со акцијата на Градот Скопје ќе бидат опфатени сите  нејзини општини, а  планот за работа на јавните претпријатија коишто се вклучени во нејзина  реализација  ќе се одвива  во зависност од временските услови.