Стручните служби на Град Скопје ќе ја разгледаат иницијативата поднесена од Општина Аеродром за изнаоѓање ново сообраќајно решение на булеварот Србија и во соработка со Министерството за внатрешни работи, во рамките на законските можности, ќе го понудат најдоброто и најбезбедното решение за овој долгогодишен проблем.

Градот Скопје во изминатиов период интензивно работи на зголемување на безбедноста во сообраќајот во градот, со цел да се избегнат и намалат ваквите и слични инциденти.

Градот Скопје изразува длабоко жалење за сообраќајната несреќа со смртни последици што вчеравечер се случи на булеварот Србија и воедно апелира до сите учесници во сообраќајот да ги почитуваат сообраќајните правила и поставената сообраќајна сигнализација, и да ја приспособат брзината на движење  на условите на патот.