Екипите на Град Скопје и на ЈП „Улици и патишта“  ги продолжуваат активностите за чистење на коритото на реката Вардар.

 

На потегот од булеварот 8.Септември до мостот „Гоце Делчев“, од двете страни на реката, деновиве машински се коси ниската и високата вегетација, а се отстранува и наталожената мил и песокот од коритото на Вардар.

 

Како дел од овие активности се чистат и камењата на косините, како и фугите меѓу камењата. Таму каде што има потреба фугите се затвораат со цементен малтер.

 

Чистењето и уредувањето на кејот на реката Вардар ќе продолжи и во наредниот период, а во акцијата се вклучени и јавните претпријатија „Комунална хигиена“ и „Паркови и зеленило“.