По повод 146 години од раѓањето на македонскиот револуционер Гоце Делчев, делегација на Советот на Град Скопје, составена од претседателката на Советот на Град Скопје, Љубица Јанчева и членовите на Советот на Град Скопје, Ирена Попова и Игор Вељаноски, денеска (04.02.2018 година, недела),  положи свежо цвеќе на гробот на Гоце Делчев, во црквата „Св. Спас“ – Скопје.

Цвеќе, на гробот на Гоце Делчев, положија и делегации од Владата на Република Македонија, од Кабинетот на Претседателот на Република Македонија, од Собранието на Република Македонија,  од АРМ,  претставници на политички партии, образовни и научни институции,  здруженија, како и голем број граѓани од нашата земја и странство. Со овој чин, Делегацијата на Советот на Град Скопје, оддаде почит на ликот и делото на великанот на македонското револуционерно движење, на еден од најистакнатите водачи и идеолози на македонската ослободителна борба, од крајот на 19-от и почетокот на 20-от век.