Градоначалникот Коце Трајановски и претседателот на Советот на Град Скопје, Ирена Мишева, денеска /04.02.2017 година, сабота/ по повод 145 години од раѓањето на великанот Гоце Делчев, положија цвеќиња на неговиот гроб во црквата „Свети Спас“.

На гробот на нашиот револуционер Гоце Делчев цвеќиња и венци положија: делегација од Владата на Република Македонија; делегација од Кабинетот на Претседателот на Република Македонија; делегација од Собранието на Република Македонија; делегација од АРМ; делегации на политички партии; здруженија и граѓани почитувачи на неговата борба за слобода и на неговото дело.

 Во црквата „Свети Спас“ беше одржана Панихида на Македонската православна црква по повод раѓањето на македонскиот национален херој и великан, а настапи и мешаниот градски хор „Вардар“ под диригенската палка на м-р Јасмина Ѓорѓеска.

Еден час подоцна, Делегација од Советот на Град Скопје положија цвеќе и на споменикот на Гоце Делчев на Плоштадот  Македонија.