Градоначалникот Петре Шилегов ги поканува граѓаните да ги споделат своите одржливи идеи, искуства и сознанија за решавање на проблемот со загадувањето на воздухот во Скопје. Средбата со граѓаните е закажана за во понеделник (18.12.2017 година) од 12:30 до 14 часот, во Салата на Советот на Град Скопје.

- Ги поканувам сите мои сограѓани кои имаат одржливи идеи за решавање на проблемот со аерозагадувањето да дојдат во понеделник и со мене и со моите соработници да ги разгледаме тие идеи и можностите тие да се спроведат на дело. Заедно со граѓаните, да се обидеме полесно и побрзо да дојдеме до посакуваното решение за овој долгогодишен проблем – вели градоначалникот Шилегов.