Екипите на штабот за заштита и спасување на Град Скопје интервенираше на поголем број на локации по обемните врнежи на дожд кои денеска /23.05.2017 година, вторник/ го зафатија регионот.

По обилните врнежи на дожд на поголем број на локации во Скопје се појавија поплави на неколку локации во Скопје, во општините Бутел, Карпош и Ѓорче Петров.

На терен интервенираа поголем број на екипи на штабот за заштита и спасување на Град Скопје, каде со возила и пумпи во повеќе поплавени објекти интервенираа екипи на Противпожарната бригада на Скопје и ЈП „Водовод и канализација“.

И во наредниов период штабот за заштита и спасување на Град Скопје будно ќе ја следи состојбата на терен и доколку има потреба, соодветно ќе интервенира.