Во Градскиот парк во Скопје, вечер /22.06.207 година, четврток/  со почеток во 21 часот,  под отворено небо, ќе ечи музиката на една од највлијателните музички групи на сите времиња - „Пинк Флојд“!

Јубилејниот, десетти спектакл „Види музика, слушни слика, добиј книга!“, ни ги носи вечните теми на музичката четворка и тоа со симфониски оркестар, односно Македонска филхармонија ќе изведува дел од нивните многубројни хитови.

Диригирањето и аранжманот се на Џијан Емин, а како солист (вокал и гитара) ќе настапи Ади Имери.

И годинава, како и изминатите години, на подарок присутните ќе добијат добра книга - „За одењето по мраз“ од Вернер Херцог.

Организаторите на настанот, Македонската филхармонија и Младинскиот културен центар, исто така, на публиката ќе и дадат можност да ужива во ликовните перформанси, овојпат на уметниците Јулијана Гешовска и Илија Спасовски-Чендо.