Даниел Дончевски од населбата Маџари го фати светиот крст во водите на реката Вардар во Скопје, кој традиционално се спушта по повод православниот празник Богојавление-Водици.

Пред неколку илјади присутни, Даниел беше најсреќен од повеќе од 200 лица кои беа во трка по светиот крст, а ова е четврт пат да го фати крстот.

Церемонијата започна со светата Василиева Божествена Литургија во црквата „Рождество на Пресвета Богородица“ предводена од поглаварот на МПЦ-ОА, г.г. Стефан, и со спуштањето на светиот крст во водите на реката Вардар.

Градоначалникот на Град Скопје, Коце Трајановски на Даниел му додели златник и опков на Евангелието.

Организатор на манифестацијата е Скопската епархија на Македонската Православна Црква - Охридска Архиепископија.

Градот Скопје годинава активно се вклучи во организацијата на оваа манифестација, каде ангажирани беа и поголем број на јавни претпријатија на Градот Скопје и Противпожарната бригада на Град Скопје.