Град Скопје ја известува јавноста дека претстојниов викенд (4 и 5 март 2017 година) ќе се извршуваат градежни работи – попречен прекоп, на крстосницата помеѓу булеварот Партизански одреди и улицата Московска.

Прекопот се прави заради изведба на приклучок, а се работи во рамките на проектот за изградба на нов фекален колектор по должината на  булеварот  Партизански одреди, на потегот од булеварот 8 Септември до улицата Московска.

Ги замолуваме сите учесници во сообраќајот да ја почитуваат поставената хоризонтална и вертикална сообраќајна сигнализација и своето движење да го  приспособат на условите на теренот.