Градот Скопје ги известува граѓаните дека на дел од улицата „Тодор Александров“ и патот кој води до Средно Водно, овој викенд (09.06.2018 и 10.06.2018 година) ќе се одржи брзинско – ридски натпревар во автомобилизам „Награда на Скопје Водно 2018“.

За таа цел, дел од улицата „Тодор Александров“, на потегот од Институтот за земјотресно инженерство и инженерска сеизмологија (ул. Тодор Александров бр. 165) и патот до Средно Водно ќе бидат затворени за сообраќај во следниве термини:

- 09.06.2018 година од 08 до 16 часот;

- 10.06.2018 година од 08 до 15.30 часот;

Исто така, возилата на автобуските линии кои го поврзуваат градот Скопје и Средно Водно, 25, 25А и 25Б нема да сообраќаат, освен автобуската линија 25 со редовен возен ред по 16 часот во сабота, односно 15:30 часот во недела.

Се молат сите учесници во сообраќајот да се придржуваат на времено поставениот режим на сообраќај и брзината на возење да ја приспособат на условите на патот.