Вчера /26.03.2017 година, недела/ во СРЦ Кале, се одржа четвртиот меѓународен турнир во таеквондо „Скопје Опен 2017“.

На турнирот, којшто е во организација на таеквондо клубот „Бутел“, учество зедоа околу 400 натпреварувачи во машка и женска конкуренција од 7 земји – Хрватска, Босна и Херцеговина, Србија, Косово, Албанија, Бугарија и Македонија.

Турнирот за отворен го прогласија Директорот на Агенцијата за млади и спорт, Марјан Спасевски и градоначалникот на Град Скопје, Коце Трајановски.

На дел од победниците градоначалникот Трајановски им ги додели медалите и признанијата.

Четвртиот меѓународен турнир во таеквондо „Скопје Опен 2017“ финансиски е поддржана од Градот Скопје.