Град Скопје во рамки на постапката за изработка на новиот Генерален урбанистички план ГУП 2022–2032 година организира Јавна дискусија со цел вклучување на граѓаните во процесот на планирање и уредување на просторот.

 

Јавната дискусија за градските четврти СЗ 20, СЗ 21, СЗ 24 и СЗ 25 лоцирани во Општина Ѓорче Петров ќе се одржи на 14 август 2025 во салата на Советот на Град Скопје (барака број 13) во периодот 9 до 13 часот.  

 

Граѓаните можат да дадат свои предлози мислења и забелешки за време на јавната дискусија, а истите можат да ги достават и писмено во архивата на Град Скопје (барака број 16) или електронски на адресата gup@skopje.gov.mk.

 

Град Скопје ги повикува сите заинтересирани граѓани и претставници на заедницата активно да се вклучат во овој процес од јавен интерес.