Градоначалникот Шилегов утре (13.11.2019 година) во 10 часот ќе се сретне со претставници на Градскиот одбор на Сојузот на борците од НОАВМ, по повод одбележувањето на 13 Ноември – Денот на ослободувањето на Скопје. Средбата ќе се одржи во Кабинетот на градоначалникот на Град Скопје (булевар Илинден број 82, барака број 3).

 

Активностите за одбележување на 13 Ноември утре ќе се одвиваат според следнава агенда:

 

Полагање цвеќе

11:00 часот: Пред Споменикот на ослободителите на Скопје на Партизанските гробишта во Бутел

11:30 часот: Алеата на заслужните граѓани, на гробот на генерал Михајло Апостолски во Бутел

12:30 часот: Споменик на ослободителите на Скопје пред Владата на Република Северна Македонија.

 

Градски трговски центар

14:00 часот:  Отворање нова галерија

 

Македонска опера и балет

20:00 часот – Свечено доделување на наградите „13 Ноември“ на Град Скопје за 2019 година