Нови садници на место на паднати дрвја од минатонеделните снежни врнежи 14.3.2022

Екипи на ЈП „Паркови и зеленило“ денеска засадија 2 врби и 8 туи кај Пожарната станица во Тафталиџе на место на едно паднато дрво од минатонеделните снежни врнежи, а на улицата Народен фронт засадија 4 туи на  местото на едно искршено дрво.

Градот Скопје и ЈП „Паркови и зеленило“ продолжуваат посветено со мисијата секое паднато и исечено дрво да биде заменето со ново, а онаму каде што има услови да биде заменето со садење на повеќе садници.