Екипите на ЈП „Паркови и зеленило“ деновиве работат на хортикултурно уредување на јавна површина во општината Аеродром на потегот од булеварот Февруарски поход до булеварот АСНОМ. Тесниот коридор на булевар Србија e со површина од 2.427 квадратни метри, а широкиот со површина од 6.912 квадрати.

Продолжува и уредувањето на тесниот коридор на булеварот Видое Смилевски Бато со површина од 1.208 квадратни метри, а понатаму ќе следи уредувањето на широкиот коридор со површина од 5.100м2.

ЈП „Паркови и зеленило“ ја зазеленува и јавната зелена површина на булеварот АСНОМ на потегот од хотел „Русија“ до мостот „Генерал Михаило Апостолски“. На новопроектираната улица, која овозможува поврзување на општините Аеродром и Гази Баба, формирана е нова површина во средишното зеленило и во страничното зеленило со вкупна површина од 1.143 квадратни метри.

Завршено е хортикултурното уредување на зелената површина на булеварот АСНОМ од улицата Беласица до објектот на ЈП „Комунална хигиена“ кај „Ист Гејт“.

Уредените површини се наоѓаат лево и десно на булеварот, како и во средишната жардиниера, која е поставена поради новото сообраќајно решение, и се со вкупна површина од  2.046 квадратни метри.