Буџетот на Град Скопје за 2022 година за кој расправаат советниците на денешната седница на Советот и долговите во кои моментално се наоѓа Градот Скопје беа меѓу темите на кои се дискутираше на денешниот новинарски брифинг.

- Градот е заглавен во долгови, веќе кажавме каква е состојбата. Ревизија на состојбите е започната, следува темелна финансиска ревизија, а од резултатите ќе видиме каква била намената на средствата што биле потрошени. Сега се фокусираме да го направиме најдоброто со средствата што ни се на располагање, покрај веќе склучените повеќегодишни договори и другите долгови што доспеваат – рече Арсовска. 

Таа образложи дека од она што може да се види во предлог-буџетот, како капитални проекти се ставени проектите за кои се веќе склучени повеќегодишни договори, а кои Градот мора да ги реализира. За нови проекти е предвидено проектирање кое следува веднаш по нова година.