Градоначалничката на Град Скопје, Данела Арсовска заедно со претставниците на здружението на лица со телесен инвалидитет Мобилност Скопје додели 5 електрични скутери за лица со телесна попреченост, во рамките на проектот „Мобилна личност – успешна индивидуа“.

 - Подобрувањето на условите за живот на лицата со попреченост е еден од нашите програмски приоритети и континуирано даваме поддршка на активности за остварување на оваа цел. Со реализацијата на нашите проекти се подобрува квалитетот на живот на лицата со телесен инвалидитет од здравствен, социолошки, образовен, културен и економски аспект. На корисниците им се овозможува да се стекнат со мобилност која им е неопходна за меѓусебна соработка, вмрежување и рушење на стереотипите – истакна Арсовска.

Проектот „Мобилна личност – успешна индивидуа“, поддржан од Град Скопје согласно програмата за активностите од областа на социјалната заштита е дел од континуираните заложби на градот, а во рамки на досегашните проекти се доделија и додатоци на електромоторен погон за инвалидски колички на лица со телесен инвалидитет.