Градот Скопје и Интернационалната EdTech организација Бреинстер работат на развивање на платформа за следење и пријавување на загадувањето на воздухот која ќе даде можност брзо и ефикасно постапување на терен на инспекциските служби со цел справување со загадувачите.

На двата AirCare хакатони од кои првиот започнува денес ќе присуствуваат стотина учесници, а ќе се работи на план за развој на ИТ платформа која ќе биде лесно достапна за граѓаните.

Денеска хакатонот го отвори градоначалничката Данела Арсовска која пред учесниците ја истакна важноста на дигитализацијата за полесно справување со загадувањето на животната средина, како еден од поголемите предизвици во Скопје.

Креираната платформа за следење и пријавување на загадувањето на воздухот Град Скопје ќе ја користи за контрола на загадувањето на воздухот, со помош на граѓаните кои ќе можат да пријавуваат за поефикасно лоцирање на загадувачите.