Соопштение за јавност 06.6.2024

Градот Скопје продолжува со системските решенија во инвестиции за подобрување и развој на локалната велосипедска инфраструктура во Скопје. 
Градоначалничката на Град Скопје, Данела Арсовска со екипите од скопското јавно претпријатие „Улици и патишта“ и Секторот за планирање и уредување при Град Скопје, извршија увид во градежните работи за реконструкција и пробивање на пешачките и вело патеки на бул. Александар Македонски, покрај надвозникот „Естекада“.
Со реализација на овој проект целосно се реконструираат оштетената велосипедска и пешачка патека, на површина од 1200 метри квадратни со што се зголемува безбедноста и сигурноста на пешаците и велосипедистите, како и за поефикасно поврзување на жителите меѓу населените места.