Градоначалничката на Град Скопје, Данела Арсовска и градоначалникот на општина Сарај, Блерим Беџети, го посетија паркот во Сарај каде денес отпочнаа со активности за реконструкцијата на спортските терени.

Овој проект се реализира на барање на граѓаните, со што се овозможува на сите посетители на паркот во Сарај да можат да се рекреираат на целосно реконструирани спортски игралишта. 

Во паркот во Сарај се реконструираат шест спортски игралишта и тоа три фудбалски, две за кошарка и едно тениско игралиште, со вкупна површина од 4.000 квадратни метри.