Соопштение за јавност: Најавена вонредна ревизија на сите јавни претпријатија 13.8.2024

Градот Скопје до крајот на оваа недела отпочнува со спроведување вонредна ревизија во работењето на сите јавни претпријатија под негова надлежност.

Справувањето со корупцијата и непотизмот во јавните претпријатија е едно од основните предизборни ветувања на градоначалничката Данела Арсовска.

Резултатите од спроведената ревизија ќе бидат објавени јавно, а доколку бидат констатирани и неправилности при работењето на раководните лица во претпријатијата, за истите ќе бидат известени и соодветните надлежни институции.